ឯកឧត្តមបណ្ឌិត ចែម វីឌ្យ៉ា ប្រធានគណៈកម្មការទី៥ និងជាប្រធានក្រុមសមាជិកព្រឹទ្ធសភាក្រុមទី៣ បានអញ្ជើញដឹកនាំកិច្ចប្រជុំផ្ទៃក្នុងក្រុមសមាជិកព្រឹទ្ធសភាក្រុមទី៣ ដោយមានការចូលរួមពីលោកជំទាវ ចាន់ សុទ្ធាវី អនុប្រធានក្រុម និងជាប្រធានគណៈកម្មការទី៦ និងឯកឧត្ដម លោកជំទាវសមាជិក សមាជិកាក្រុមសមាជិកព្រឹទ្ធសភាក្រុមទី៣ ដើម្បីពិនិត្យ ពិភាក្សាលើសេចក្តី ព្រាងច្បាប់ស្ដីពី ការអនុម័តលុបចោលកិច្ចព្រមព្រៀងស្តីពីការជំរុញនិងសម្រួលពាណិជ្ជកម្មតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម ក្នុងសម័យប្រជុំលើកទី២ នីតិកាលទី៥ព្រឹទ្ធសភា នាថ្ងៃទី១៣ ខែវិច្ឆិកា ឆ្នាំ២០២៤ នាពេលខាងមុខ។ កិច្ចប្រជុំខាងលើនេះ ប្រព្រឹត្តទៅនៅសាលប្រជុំគណៈកម្មការទី៥ព្រឹទ្ធសភា អគារE ជាន់ទី១ នាថ្ងៃទី១២ ខែវិច្ឆិកា ឆ្នាំ២០២៤ វេលាម៉ោង១៤:០០រសៀល៕
ខ្លឹមសារ៖ ជំនួយការអមគណៈកម្មការទី៥ព្រឹទ្ធសភា រូបភាព៖ នាយកដ្ឋានព័ត៌មាន
